O peche perimetral e da hostalería na Pobra entrou en vigor esta medianoite adiantando unha xornada as medidas restritivas por entrar no nivel de máxima alerta por covid, despois de que se disparasen os casos ata 35 positivos nos últimos 14 días.
Desde as cero horas do xoves está prohibido entrar ou saír do municipio pobrense sen motivo xustificado, só poderase mover por motivos laborais, educativos ou sanitarios.
A decisión de adiantar esta medida débese a que, como a semana pasada non se publicou o DOG e había moitos concellos que melloraran a súa evolución, para poder relaxar as restricións.
Os locais hostaleiros pecharán as súas portas e só poderase recoller comida para levar ou servir a domicilio. Non están permitidas as reunións de non conviventes. O conselleiro de Sanidade destacou que, aínda que a incidencia acumulada a 14 días non superou os 500 casos por cada 100.000 habitantes, tómase como referencia este indicador a sete días co obxectivo de anticiparse e controlar a posible expansión do virus. O responsable sanitario invitou á poboación a participarnos cribados que se están a facer para lograr controlar os brotes canto antes.
