Seis estudantes do IES Félix Muriel viaxarán a Irlanda para ampliar a súa formación solidaria

31 Marzo 2021
As mozas e mozos que participan na iniciativa nunha xuntanza co alcalde rianxeiro, Adolfo Muíños

Grazas ao Programa Erasmus+, seis estudantes do IES Félix Muriel de Rianxo do Ciclo de Atención a Persoas en Situación de Dependencia viaxarán ata a República de Irlanda para facer as súas prácticas na Asociación Ikkaido na sede que ten na cidade de Tralee no condado de Kerry. A iniciativa é froito dos esforzos a prol da internacionalización de ensino e proxectos que está a levar o IES Félix Muriel de Rianxo por cuarto ano consecutivo, sendo esta última edición, por mor das circunstancias sociais e sanitarias que estamos a vivir, especialmente complexa.

Deste xeito, a pesar da pandemia por mor da COVID-19, Nerea, Noa, Mariña, Diana, Valeria e Marcos, como apunta o director do centro educativo Ramón Veiga, “emprenderán a súa viaxe seguindo todas as medidas de seguridade e indicacións das autoridades sanitarias. Todos os nosos estudantes viaxarán coa súa PCR negativa e terán que facer unha corentena de catorce días á súa chegada. Dende o centro estamos a facer un meticuloso traballo para que todas e todos vaian con todas as garantías e con toda a tranquilidade para que poidan desfrutar desta experiencia única”.

Este grupo de embaixadoras e embaixadores de Rianxo foron recibidos polo alcalde Adolfo Muíños, quen lles desexou unha boa viaxe e estancia na que farán unha importante labor durante tres meses na illa apoiando a persoas con diversidade funcional e a persoas de colectivos sensíbeis.

Outros artigos

Unha muller ferida nun accidente na autovía en Asados

Unha persoa necesitou atención por parte dos servizos sanitarios logo dun accidente de tráfico ocorrido preto das cinco da tarde deste martes na autovía de Barbanza. O vehículo que conducía saíuse da vía na zona de Asados e terminou envorcado sobre o asfalto. Os...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...