O proxecto Enreguéifate comeza a súa busca de estudantes e público xeral para practicar a improvisación oral coa regueifa en lingua galega. Este certame está impulsado polos Concellos de Ames, Pontevedra, Santiago de Compostela, Teo e Rianxo. Así, Enreguéifate súmase ao labor que xa veñen realizando diversas entidades públicas e privadas, ademais de moitas persoas do ámbito cultural e do ensino.
O obxectivo principal do proxecto é que a cidadanía entre en contacto coa improvisación oral en verso a través da experiencia de regueifar, concretamente no ámbito escolar. Polo tanto, inclúense accións formativas para alumnado e profesorado, un certame regueifeiro e un encontro anual de regueifa.
En Rianxo, o programa desenvolverase da man da regueifeira Lupe Blanco, que impartirá 4 obradoiros de regueifa nos centros de ensino. Deste modo, o 12 de abril, a regueifa fará unha parada no CEIP Castelao e no IES Félix Muriel, mentres que o 22 de abril será a quenda do CEP Brea Segade de Taragoña e do CEIP Ana Mª Diéguez de Asados.
Como cada ano, haberá 2 categorías: unha será xeral e outra centrada soamente no ámbito escolar. Doutra banda, daranse un total de 6 premios. O prazo para presentar as participacións pecha o 28 de maio. A inscrición poderá facerse a través da
