O Concello sonense pasa a Nivel 2 mentres o resto mantense no 3, coa Pobra, Rianxo, Lousame ou Carnota sen contagios na última semana
Ás 00.00 h deste venres, 5 de marzo, o concello coruñés de Porto do Son pasará ao Nivel 2 de restricións, tras a decisión adoptada este luns polo Comité Clínico que asesora á Xunta de Galicia. O que vai provocar que a hostalería teña que pechar o interior dos seus establecementos, podendo manter aberta as terrazas ao 50 %, pero limitándose a mobilidade ao perímetro municipal, xa que só se permitirán desprazamentos cara a ou desde concellos co seu mesmo nivel de restricións.
Mentres na última semana: A Pobra do Caramiñal, Lousame e Rianxo no rexistraron casos. Mentres, en Ribeira e Boiro xa hai menos de 9 casos a sete días, do mesmo xeito que Noia, Outes e Muros. Todos eles cunha Incidencia Acumulada ( IA) por baixo de 75 e, a maior parte, con menos de 25 casos por 100.000 habitantes a sete días.
Deste xeito oss veciños de Porto do Son quedarán illados xa que o resto dos concellos do Barbanza e a maior parte dos de toda a área sanitaria, atópanse nunha situación de Nivel 3, incluídos os de Dodro e Rois que, tras descender a súa incidencia, saen do nivel medio de restricións. Un illamento que, polo menos, prolongarase durante unha semana, ata que o Comité Clínico do próximo luns avalíe de novo a situación e propoña posibles cambios, se a incidencia acumulada descende.
A día de hoxe, o concello de Porto do Son presenta unha incidencia acumulada ( IA) de entre 75 e 125 casos a sete días, mentres que se eleva a entre 150 e 250 a catorce días, tras rexistrarse 16 contaxios nas últimas dúas semanas debido a un brote que se producía no ámbito dunha reunión familiar.
Como consecuencia farase un Cribado este venres 5 e sábado 6 de marzo. Realizarase a 2.200 personas con idades comprendidas entre os 31 e 50 anos do Porto do Son que se citan vía SMS onde lle indicarán a hora e lugar. (salón de actos do Hospital). Prégase asistir e respectar a hora e data da cita.
