O programa de monólogos do Concello da Pobra traerá a Oswaldo Digón o vindeiro domingo 21, ás 19.00 horas, no Elma. O artista presentará seu novo espectáculo móbil, que se caracteriza polo seu contido cambiante e en constante crecemento, cun selo único e orixinal.
A actividade estará dispoñíbel de balde para tódolos públicos, e levarase a cabo baixo as medidas implantadas por mor da COVID-19. Tódalas persoas interesadas en asistir deben formalizar a súa reserva na Casa da Cultura e Xuventude Raquel Fernández Soler ou a través do teléfono 981 831 545.