A Asociación Noia Histórica vén de pór en marcha unha nova campaña baixo o nome de Bye bye rebaixas, co fin de aumentar o número de ventas da zona e fomentar así o comercio local, un dos sectores máis afectados pola COVID-19.
Tras cinco anos nos que se viña desenvolvendo a tradicional Feira do Comercio, neste 2021 será substituída por Bye bye rebaixas, que se levará a cabo en cada un dos establecementos participantes ata este domingo.
A iniciativa foi presentada por Ana Petisco, vicepresidenta da patronal, e María del Carmen Vázquez, a tesoureira, que aproveitou para destacar a “importancia desta campaña porque, xa que non se puido facer a de primavera de todos os anos, é como un final de rebaixas pero cun aliciente importante, que é que todos os produtos da tenda teñen un cincuenta por cento de desconto como mínimo.”
A nova campaña está a ter unha gran acollida ata o momento, xa que son máis de vinte e cinco negocios de diferentes sectores os que xa oficializaron a súa participación. Rasgos, Lolita Moda, Pacos Moda, Tareixa Ferrer, El cofre de Iris, Rosita Moda, Imán Moda, Clavel, Lencería María Durán, Anelos, Lolita Kids, Chepi, Yaya, Cocoella, Descalciños, Calzados Monchel, Pisa Morena, Calzados Guante y Pillados ofrecerán descontos do cincuenta por cento. Doutra banda, MC Bikes, Joyería Allut, Joyería Petisco, Mundi Art, María Luisa Decoración e Estanco Maruxa incluirán ofertas especiais.
Esta iniciativa inclúe a novidade de que tódolos establecementos asociados abrirán as súas portas o sábado pola tarde co fin de que “ a xente se achegue á vila, e ademais de mercar, tamén poidan tomar un café”, Vázquez.
