Na Pobra realizouse o sorteo das dúas ducias de premios do xogo-concurso sobre Rosalía de Castro

02 Marzo 2021
Mans inocentes para efectuar o sorteo no Salustiano Rey Eiras

O Concello da Pobra do Caramiñal realizou o sorteo dos lotes de premios incluídos no certame As Sete Rosalías, dirixido a conmemorar entre a rapazada o Día de Rosalía de Castro, o 24 de febreiro. Foron un total de 25 lotes de premios.

A primeira quenda de gañadoras e gañadores no Salustiano Rey Eiras

O xogo-concurso desenvolveuse na Pobra durante a pasada semana, con motivo das homenaxes locais á poeta de Padrón.

Cada unha das referidas recompensas componse dunha botella térmica e duns auriculares sen fíos.

A segunda quenda

A iniciativa As Sete Rosalías foi impulsada coa finalidade de “continuar co labor divulgativo da persoa da nomeada intelectual, da súa obra e, polo tanto, do seu legado”.

Configurouse así unha proposta dirixida ás crianzas para lles achegar Rosalía de maneira didáctica e cun compoñente lúdico, concretamente, ás dos CEP Salustiano Rey Eiras e Pilar Maestú Sierra.

A terceira quenda

Ata estes centros desprazáronse a concelleira da Cultura, Patricia Lojo (PSdeG-PSOE), e a técnica municipal desta área, Fita Sanisidro.

A dita actividade consistiu en atopar varias siluetas recortadas coa forma de Galicia que contiñan no seu interior o rostro da escritora acompañado de versos seus e puideron participar todos aqueles nenos e nenas pobrenses con idades comprendidas entre os 6 e 12 anos que contasen cun dos impresos repartidos.

Foto conxunta das gañadoras e gañadores no Salustiano Rey

As pezas estiveron expostas en escaparates de diversos establecementos locais do municipio dende o día 22 ata o 28 de febreiro.

Foto conxunta das gañadoras e gañadores no Pilar Maestú Sierra

O desafío residía en buscar as sete versións diferentes da imaxe que ilustraba o cartel deste ano, xa que non todas eran iguais. Unha vez atopadas, tiñan que anotar no folleto cal era esa diferenza e en que instalación se situaba. De lograren superar o reto, os participantes debían entregar os impresos debidamente cubertos cos datos requiridos nos centros de ensino xa mencionados.

Outros artigos

Convocados os “Premios da Cultura Galega 2024”

A Xunta de Galicia convoca os Premios da Cultura Galega 2024, certame que recoñece o labor creativo e a súa expansión nos novos espazos actuais desde a súa primeira edición, en setembro de 2010. As oito modalidades convocadas son as de Letras, Artes Visuais, Artes...

+

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...