O Concello de Boiro vén de licitar o proxecto para a execución de beirarrúas en Cabo da Cruz, concretamente no lugar de Esteiro. Deste modo, as obras executaranse con cargo ao Plan Único POS 2020 da Deputación Provincial da Coruña e o orzamento ascenderá a 82.666,21 euros.
O obxectivo da obra consiste en dotar de seguridade viaria aos peóns que circulan entre o núcleo de Esteiro e a estrada que une Boiro e Cabo da Cruz. Ademais, preténdese levar a cabo unha rede de recollida de pluviais e mellorar a traída de municipal de auga potábel.
