Integrantes do Grupo Supramunicipal de Emerxencias (GES) de Brión participaron na mañá deste 12 de marzo na excarceración dunha persoa na Escabia (Lousame): unha persoa que quedara atrapada no seu vehículo, despois de saírse da vía e caer por un desnivel de 5 metros.
Os integrantes do GES de Brión contaron coa colaboración dos Bombeiros de Boiro. A persoa resultou ferida leve na cabeza e foi trasladada ao hospital para a súa revisión.