En Ribeira denunciada unha veciña do Son nun control de alcoholemia

A Policía Local de Ribeira informa de que, logo da hora de peche da hostalería na tarde de onte sábado, se realizaron controis de alcoholemia en distintos puntos do municipio.
De resultas destes controis foi denunciada unha veciña de Porto do Son de 51 anos por arroxar un resultado de 0,59 mg/l tanto na primeira como na segunda proba.
A infracción (de carácter administrativo, xa que o tipo penal é a partir de 0,60 mg/l) conleva a perda de seis puntos no carné de conducir.