En Rianxo organízase o 27 un obradoiro sobre métodos para atrapar raíñas de velutina

O Concello de Rianxo, en colaboración coa Agrupación Local de Protección Civil, organiza o vindeiro 27 de marzo un obradoiro formativo centrado en achegar recursos e coñecementos sobre trampas e atraentes caseiros para combater as velutinas nos meses de primavera. A actividade Atrapa a nespra centrarase nos métodos dos que podemos botar man para cazar raíñas.

Celebrarase no Liceo Marítimo Rianxeiro a partir das 11.00 horas. O aforamento máximo será de 15 persoas, e reservaranse segundo orde de inscrición. É necesaria a inscrición previa, no telefono 981 860 808 ou por correo electrónico: medioambiente@concelloderianxo.gal.