En Boiro os casos positivos por COVID-19 seguen sen aumentar e mantense no nivel medio

O Concello de Boiro celebrou na mañá deste 29 de marzo unha nova xuntanza de traballo da Comisión de Seguimento da Evolución da COVID-19 para facer unha análise da evolución da enfermidade no municipio.

Na reunión abordouse a incidencia da pandemia así como a determinación de medidas de control da poboación que se van a levar a cabo para evitar contaxios. Así, segundo os datos da Consellería e Sanidade os casos positivos no municipio seguen sen aumentar e mantense no nivel medio, baixo de restricións.

Doutra banda, comentouse a labor da Policía Local de Boiro, que interpuxo nos últimos días un total de 8 denuncias por incumprimento das medias específicas decretadas para o control da pandemia. As denuncias foron por fumar na vía pública sen manter distancia de seguridade, incumprir o toque de queda, reunións de persoas superando o máximo permitido e beber/comer na vía pública sen respectar distancia de seguridade.

Deste xeito, dende o 26 de febreiro, efectuáronse un total de 94 denuncias, así como Servizos Sociais e Protección Civil seguen realizando a súa labor, tanto de coordinación como de limpeza e desinfección, respectivamente. Dende o Concello anuncian que a Policía Local de Boiro vai a intensificar as tarefas de vixilancia como motivo dos festivos de Semana Santa.