O grupo artístico adolescente DJ Plastics comeza a ter rumbo colaborativo, xa que ven de unir forzas con diversos colectivos sociais para dar visibilidade ás súas inquietudes e cuestionarse o mundo no que vivimos. Esta iniciativa encádrase no eixo do programa municipal Express-Arte, co-financiado polo Concello de Ribeira e o Programa Operativo FEDER/FSE Galicia 2014-2020.
Esta vez, o colectivo, formado por artistas locais, uniuse ao alumnado dos institutos Leliadoura e Nº1 para realizar unha intervención contra o acoso escolar (o bullying) nas propias instalacións dos centros educativos.
Así, xa creou dúas mensaxes de repulsa cara ao acoso nas aulas.
Ademais, o grupo confeccionou xogos de rollplaying e levou a cabo debates, conversas e choivas de ideas onde naceron slogans antibullying.