O Consistorio de Noia recibiu esta semana a visita de Rafael Eimil, xefe da Demarcación de Costas en Galicia, e de Ricardo Babío, xefe de Servizo e proxectos da Demarcación de Costas. Participaron, cos representantes do Concello (incluído o alcalde Santiago Freire) nunha mesa de traballo para analizar cuestións relativas ás obras da fachada marítima (traballos que se agarda estean rematados antes do remate do verán e que inclúen a ampliación da rotonda que une a ponte do Campo das Rodas cos peiraos de Gasset e Cardaso, ademais da construción dunha pasarela cunha plataforma paralela ao tránsito peonil).
Tamén se abordaron vindeiras actuacións como a de Abruñeiras-Barro, onde se vai enlazar o final do paseo marítimo coa zona do Talleraco. Esta obra súmase as realizadas pola Demarcación de Costas en Testal cun investimento de 400.000€
