Boiro reivindica os percorridos a pé polas xoias naturais e paisaxísticas do municipio

O Concello de Boiro vén de presentar o proxecto Boiro facendo camiño, co fin de dar a coñecer distintas rutas de sendeirismo polo termo municipal, sobre todo aquelas que resultan accesíbeis e doadas de percorrer e nas que poden participar todos os públicos. Desta forma, o departamento de turismo colaborou cos veciños na procura de lugares emblemáticos no municipio.

Os percorridos pódense consultar na web de turismo de Boiro e descargar. Os camiños transcorren a carón de hórreos, cruceiros, lavadoiros e fontes, polo que divúlgase o patrimonio etnográfico e paisaxístico da localidade. Neste intre hai deseñadas tres rutas: Boiro – Pasais do Coroño, os Muíños do Río Breiro e Boiro – Sealo – Madalena.

Como consiste nunha actividade participativa, a veciñanza pode propoñer novos percorridos, que o Concello validará e revisará con rigor antes de engadilos ao proxecto Boiro facendo camiño.