O Concello de Boiro convoca o vindeiro mércores o primeiro Consello Escolar Municipal que se vai celebrar no municipio. O pleno da corporación aprobou a reactivación deste órgano de participación cidadá, que se constituíra
no ano 2012 pero que nunca chegou a celebrarse.
A través da Concellería de Educación levouse a cabo unha modificación do Regulamento polo que se rexe, para adaptalo ás necesidades actuais. O Consello Escolar Municipal é o maior instrumento de participación na
comunidade escolar, polo que está en condicións de ofrecer unhas perspectivas de interese xeral que deben axudar a clarificar os problemas xurdidos no sistema educativo.
Este órgano foi constituído no ano 2012 e, coa intención de adaptalo ás necesidades actuais e integrar a todos os sectores implicados, realizáronse modificacións no Regulamento polo que se rexe. A concelleira de Educación,
María Outeiral, mantivo contactos previos cos distintos colectivos educativos implicados para a súa constitución e posta en marcha.
Esta ferramenta é especialmente necesaria neste momento debido á situación en materia educativa que deixa a Covid-19. A primeira sesión do Consello Escolar Municipal do Concello de Boiro vaise celebrar o vindeiro mércores 24 de maio, na Casa da Cultura de Boiro.
