García aproveitou para destacar o apoio da Deputación aos autónomos, hostalaría e pequeno comercio, que serven como apoio “ante as graves consecuencias económicas da pandemia que afectan directamente a estes sectores”. Así, recordou que a Deputación puxo en marcha o programa PEL-Reactiva, que supuxo axudas de entre 1.500 e 3.000 euros para 3128 pequenas empresas en Ribeira. “Agora é cando as administracións temos que colaborar cos pequenos comercios ante a crise máis grave da historia recente”, afirmou o deputado.
A visita de Blas García serviu tamén para manter unha reunión coa directiva da Asociación de Empresarios de ribeira, na que expuxeron a necesidade de ampliar a estrada DP 7310, que conecta co polígono industrial da localidade. García comprometeuse a trasladar a petición ao deputado de Vías e Obras, José Manuel Pequeño.