Antón Luaces.- Segundo denuncia o sindicato nacionalista galego CIG, tripulantes do arrastreiro galego “Venturer”, pertencente ao grupo empresarial Puerta Prado, de Vigo, permanecen confinados en Brasil ao se detectar un gromo de COVID-19 a bordo. Esta situación fixo que a central CIG reclame ao Goberno e á Xunta unha a ctuación inmediata que garanta a axeitada atención aos afectados e que se informe ás familias do seu estado.
O “Venturer” zaepou de Vigo o pasado 14 de de xaneiro con 64 tripulantes a bordo para faenaren no caladorio de Malvinas após realizaren as pertinentes probas de detección do novo coronavirus e pasar unha semana de corentena nun hotel. Algúns tripulantes quedaron en terra por ter dado positivo.Días despois varios dos embarcados comezaron a sentirse mal, con síntoma de compatibilidade coa COVID-19. Diante do empioramento da situación foron trasladados de San Salvador de Bahía, a onde chegaron na mencida do 28 de xaneiro. Alí permanecen no barco, fondeados, sen poderen desembarcar, agás 5 tripulantes internados en centros hospitalarios con distinta gravidade. A metade da tripulación do “Venturer” presenta síntomas de estar infectados polo virus, segundo informa a CIG.Ata o de agora ningunha autoridade estatal ou da Xunta amosaron o seu interese polos mariñeiros galegos, sinala o sindicato, e a empresa Puerta Prado, grupo empresarial galego ao que pertence o barco, non se puxera en contacto coeles ata este venres, 5 de febreiro.
