O alcalde de Ribeira, Manuel Ruiz, e a concelleira de Cultura, María Sampedro, desprazáronse na mañá deste luns 8 de febreiro ata as sedes físicas dos tres negocios que resultaron gañadores do concurso de escaparatismo de Nadal promovido polo Concello, na modalidade de establecemento comercial.
Así, a tenda de moda La Urbana Store e a perruquería Alba Santos (ambas en Santa Uxía) e a Tenda de San Martiño (esta última, situada na parroquia de Oleiros) foron os distinguidos co primeiro, segundo e terceiro premio grazas aos gústame recibidos de parte da veciñanza na páxina Entérate Ribeira en Facebook.
Álvaro Muñiz, Alba Santos e Sandra Villanustre recolleron cadanseu diploma conmemorativo, ademais de obter un premio en metálico por valor de 300, 200 e 100 euros, respectivamente.
