Os empresarios de Ribeira expoñen ante o PSOE o seu plan de rescate da hostalería e o turismo

A Asociación de Empresarios de Ribeira informou de que na tarde deste luns 8 de febreiro a directiva da entidade mantivo un encontro no local da asociación con representantes do Partido Socialista municipal. Na xuntanza, a patronal ribeirense expuxo o seu plan de recuperación e reactivación para os sectores de hostalería e o turismo, dous dos ámbitos produtivos que máis se viron afectados estes meses pola crise sanitaria e as restricións para poñerlle freo.

Pola súa banda, os representantes da hostalería integrados na asociación transmitiron ao PSdG-PSOE de Ribeira o borrador da proposta do Plan de Rescate da Plataforma en Defensa da Hostalería Galega, do cal recibiuse o compromiso do grupo socialista local para ser traslado aos representantes nacionais do partido.