A Consellería de Sanidade informou este sábado de oito persoas falecidas con covid-19 en Galicia entre o venres e o sábado, co que a cifra total de mortes asociadas á pandemia elévase ás 2.172.
En concreto, correspondentes ao venres, infórmase do falecemento dunha muller de 77 anos que se atopaba ingresada no Hospital Clínico de Santiago, así como unha muller de 96 e un home de 89 que estaban no Hospital da Coruña.
No Hospital de Pontevedra morreu unha muller de 87 anos e un home de 84 no de Ferrol. Finalmente, este venres faleceron tamén dous pacientes no Hospital de Ourense: unha muller de 85 anos e un home de 77.
A Consellería informa tamén dun falecemento ocorrido este sábado, o dun home de 86 anos no Hospital de Pontevedra.
