O xoves choivas xeneralizadas, tregua o venres e sábado

O xoves a comarca e Galicia estará afectada polo paso dunha nova fronte moi activa nas horas centrais do día. Deste xeito, as chuvias comezarán desde primeira hora polo litoral atlántico, estendéndose progresivamente ao resto do territorio; serán moi persistentes e puntualmente fortes, especialmente en puntos de Pontevedra e sur da Coruña. As temperaturas experimentarán un ascenso, máis acusado nas mínimas. O vento soprará de compoñente sur, con intervalos fortes no litoral atlántico.

Depresión de 969 mb no Atlántico, moi ó norte de Azores. Altas presións de 1040 mb centradas en Suecia.

No mar: Vento do sur á mañá, do sudoeste á tarde e do sudoeste á noite, forza 5 a 6 á mañá, 4 a 5 á tarde e 2 a 4 á noite. Forte marusía á mañá e á tarde e mar ovellado á noite. Visibilidade mala á mañá e á tarde e regular á noite. Mar de fondo do noroeste, con ondas de 2.5 a 3.5 metros á mañá, 3 a 4 metros á tarde e 3.5 a 4.5 metros á noite.

marquesina foto xoán crespo 26/03/2019