As altas presións retiraranse lixeiramente cara ao interior e a presenza de aire frío nas capas medias e altas da atmosfera aumentará a inestabilidade durante esta xornada. Isto quere dicir que os ceos presentarán unha alternancia de nubes e claros, con chuvascos na maior parte de Galicia, sin descartar que sexan acompañados de aparato eléctrico. As temperaturas non terán cambios en xeral, aínda que as máximas na Mariña lucense aumentarán considerablemente xa que non teremos a influencia do nordés e descenderán na metade sur do territorio. Os ventos soprarán frouxos de compoñente sur. O martes regresa o tempo seco e soleado.
Altas presións de 1035 mb sobre Polonia. Baixas presións de 995 mb ao oeste de Irlanda.
O NOSO MAR: Vento do sueste á mañá, do sudoeste á tarde e do sur á noite, forza 2 a 4. Mar ovellado á mañá e á noite e marusía á tarde. Visibilidade regular á mañá e boa á tarde e á noite. Mar de fondo do noroeste á mañá e oeste á tarde e á noite, con ondas de 1 a 2 metros á mañá, 1 a 1.5 metros á tarde e 0 a 1 metros á noite.
Mareas
| Muros | ||
|---|---|---|
| Hora* | Altura | |
| Preamar | 05:18 | 4.1 m |
| Baixamar | 11:31 | 0.3 m |
| Preamar | 17:40 | 3.9 m |
| Baixamar | 23:41 | 0.3 m |
| Vigo | ||
|---|---|---|
| Hora* | Altura | |
| Preamar | 05:09 | 4.0 m |
| Baixamar | 11:22 | 0.3 m |
| Preamar | 17:33 | 3.8 m |
| Baixamar | 23:33 | 0.4 m |
| Vilagarcía | ||
|---|---|---|
| Hora* | Altura | |
| Preamar | 05:14 | 4.0 m |
| Baixamar | 11:27 | 0.3 m |
| Preamar | 17:37 | 3.8 m |
| Baixamar | 23:38 | 0.3 m |
Cámaras web da comarca (algunha pode nun funcionar puntualmente)
