O Concello de Rianxo convida á cidadanía a celebrar un Entroido virtual

O Concello de Rianxo vén de anunciar a celebración dun Entroido virtual, co fin de seguir mantendo as tradicións pero dende a casa. Este ano a celebración consistirá en publicar fotografías e vídeos curtos dos disfraces a través das redes sociais, ademais de escenas e actuacións cantando, bailando e actuando.

Nesta celebración haberá 3 categorías. Unha será individual, outra familiar (onde aparecerán membros de distintas xeracións) e a última pertencerá a grupos de non conviventes, aínda que estes non poderán saír de forma conxunta. Desta forma, o 23 de febreiro sortearase un lote de agasallos ou vales por cada categoría. Por iso é importante que todos aqueles que queiran participar no sorteo, envíen a súa ficha de inscrición á web do Concello.

As fotos e os vídeos que se deberán ser publicados co cancelo #entroidorianxeiro2021 nas redes socias como Facebook, Instagram, Twitter, Tiktok e Youtube.

Os interesados poderán consultar a páxina web do Concello para comprobar e recibir máis información.