O alcalde de Noia comprobou o resultado do acondicionamento da senda do Traba

O alcalde de Noia, Santiago Freire Abeijón, acompañado do concelleiro de Medio Ambiente, Marín Fernández Godón, realizaron a semana pasada unha visita ao sendeiro fluvial que discorre paralelo ao río Traba, que, como recordaremos, vén de ser obxecto de traballos de acondicionamento, unha iniciativa que incluíu a mellora do camiño e a colocación de paneis informativos con detalles sobre os aspectos máis relevantes desta contorna.

Este sendeiro, dotado dun importante interese etnográfico, paisaxístico e patrimonial comunica a Ponte de Traba coa aldea de Xei e chega ata o termo municipal de Lousame.