O temporal costeiro que afecta a Galicia provocou este martes acumulacións de choiva de máis de 69 litros por metro cadrado en Lousame e refachos de vento de case 113 quilómetros por hora en Carballeda de Valdeorras en Ourense.
O mércores quedaremos nunha situación intermedia entre altas e baixas presións. Así, tras unha mañá de chuvascos xeneralizados localmente tormentosos, pola tarde espéranse ceos con nubes e claros ao leste e moi nubrados con precipitacións nas comarcas atlánticas. As temperaturas mínimas descenderán lixeiramente e as máximas non terán cambios significativos. O vento soprará do suroeste moderado, virando a sur pola noite.
Na nosa costa: Mar de fondo do oeste con ondas de 5 a 6 metros no litoral atlántico na primeira metade do día.
Vento do sudoeste á mañá e á tarde e do sur á noite, forza 5 a 6. Forte marusía. Visibilidade regular á mañá e á tarde e mala á noite. Mar de fondo do oeste, con ondas de 5 a 6 metros á mañá e 4 a 5 metros á tarde e á noite.
Mareas
| Muros | ||
|---|---|---|
| Hora* | Altura | |
| Baixamar | 00:44 | 0.6 m |
| Preamar | 07:02 | 3.8 m |
| Baixamar | 13:18 | 0.6 m |
| Preamar | 19:29 | 3.4 m |
| Vigo | ||
|---|---|---|
| Hora* | Altura | |
| Baixamar | 00:35 | 0.7 m |
| Preamar | 06:54 | 3.7 m |
| Baixamar | 13:09 | 0.7 m |
| Preamar | 19:22 | 3.4 m |
| Vilagarcía | ||
|---|---|---|
| Hora* | Altura | |
| Baixamar | 00:40 | 0.6 m |
| Preamar | 06:59 | 3.7 m |
| Baixamar | 13:13 | 0.6 m |
| Preamar | 19:26 | 3.4 m |
.