En Ribeira o sector de calzado e confección incorpórase este sábado ao mercadiño


O Concello de Ribeira informa de que a partir de mañá o sector de calzado e confección incorpora ao mercadiño de Ribeira sumándose aos de alimentación e plantas que xa veñen operando dende o pasado 23 de xaneiro.
Así, en total son 136 os postos convocados, dos cales 56 pertencen a
alimentación e plantas e 80 se corresponden cos números pares da
parte de calzado e confección (en tanto que os números impares
farán o propio a semana que vén, alternándose).
Redución da tarifa
Tocante a este sector de calzado e confección, cómpre informar de
que no pleno da Corporación do vindeiro luns tratarase un punto na
orde do día que contempla a redución ao longo do exercicio 2021 da
tarifa nun 50% como consecuencia do covid-19. Así, de saír aprobada
a proposta de alcaldía, de 2,48 euros por metro e día que contempla
a vixente ordenanza fiscal pasaríase a 1,24 euros por metro e día.
A proposta tamén prevé outras reducións nas actividades
consignadas como venta ambulante en ‘vehículo-tenda’ (10,89 a
8,17€) e como ‘actividades restantes’ (de 1,86 a 1,24€).
Así mesmo, prevese a modificación da ordenanza fiscal xeral para
habilitar á Xunta de Goberno Local á redución de taxas cando por
circunstancias excepcionais de saúde pública, restricións de
mobilidade, estado de alarma ou similar, se limite total ou
parcialmente o exercicio da actividade económica correspondente.