En Porto do Son a festa do Entroido segue viva este mes de febreiro, aínda que loxicamente cun formato alternativo que manteña a creatividade e o espírito festeiro ao tempo que se garante a seguridade das e dos veciños. Baixo a etiqueta #EntroidoOnline, o Concello organiza o concurso nas redes no que cada quen terá que preparar o seu disfrace e mostralo para participar a través de dúas categorías: individual e familiar.
Haberá dúas maneiras de implicarse: enviando catro fotografías ou un vídeo (de non máis de dez segundos) á conta de correo osondoentroido@gmail.com. Achegaranse seis premios de diñeiro en metálico (tres por cada unha das dúas categorías establecidas: individual e familiar). O prazo fica aberto até o 16 de febreiro, e ao día seguinte daranse a coñecer as e os gañadores.
Podemos consultar as bases do certame na web de Porto do Son, nun documento en PDF.
