Dodro presenta un vídeo que promove a calidade das súas escolas


A Concellería de Educación, Deportes e Emprego do Concello de Dodro presentou un vídeo a través do cal trata de promover e dar maior visibilidade aos centros educativos do municipio. Actualmente son tres os centros que se localizan en Dodro e saen no vídeo, Galiña Azul, C.R.A. de Dodro e C.P.I. Eusebio Lorenzo Baleirón.
O vídeo mostra a calidade que existe en Dodro para o proceso de desenvolvemento persoal, a través de varias testemuñas de ex-alumnos, directora do C.R.A. e pais, que resaltan o trato directo entre educadores e que se converte nunha relación case familiar.
No caso dos Centro Rural Agrupado de Dodro está formado por catro escola, Bexo, Chenlo, Vigo e Lestrobe, onde é posible realizar unha educación moi personalizada debido ao número de alumnos tan baixo, e ademais os alumnos gozan dun entorno natural moi positivo para o desenvolvemento das súas facultades como é o espazo natural das Brañas de Laíño.
Doutra banda, no Centro Plurilingüe Integrado Eusebio Lorenzo Baleirón levan a cabo un proxecto común tódolos cursos, como o Plan Proxecta que agrupa actividades deportivas, de horticultura, saúde, etc. Neste caso a pouca masificación das aulas permite ós docentes un amplo coñecemento sobre todos os integrantes da comunidade educativa.