O alcalde de Noia, Santiago Freire, e a concelleira de Economía, Facenda e Deportes, Laura Salgado, reuníronse a semana pasada coa conselleira de Infraestruturas e Mobilidade, Ethel Vázquez, para avaliar en conxunto as principais necesidades do termo municipal en materia de equipamentos, conexións, servizos e accesibilidade, ao tempo que se avaliaron os principais proxectos que se están a impulsar no dito territorio.
Proxectos como por exemplo a construción da glorieta do cruce da Barquiña, a mellora da ponte medieval en Pontenafonso ou a posta en funcionamento do alumeado da variante da ponte sobre a ría e da ponte de Ceilán. Tamén trataron na xuntanza cuestións como o convenio de mellora da ETAP e a aprobación definitiva do PXOM.
