O domingo Galicia quedará na influencia dunha borrasca situada ao oeste de Irlanda que enviará unha fronte cálida durante a mañá deixando os ceos moi cubertos con chuvia miúda e intermitente, e unha fronte fría a partir do mediodía con chuvias persistentes en toda a Comunidade, que deixarán maiores cantidades de auga na provincia de Pontevedra e sur e oeste da provincia da Coruña. As temperaturas mínimas sufrirán un moderado descenso, con xeadas no interior, mentres que as máximas ascenderán lixeiramente. Os ventos soprarán do suroeste, moderados en xeral, fortes no litoral.
