Avanzan en Noia as obras de reforma da fachada marítima

O pasado 12 de febreiro o alcalde e o concelleiro de Obras de Noia, Santiago Freire e Martín Fernández, respectivamente, reuníronse co director e cos técnicos responsábeis do desenvolvemento das obras da fachada marítima noiesa. A xuntanza serviu para facer un seguimento do avance dos traballos e, tamén, para dar a coñecer algunhas novidades sobre o seu desenvolvemento.

Segundo confirmaron, nos vindeiros días comenzarase a colocar a pasarela peonil e rematarase a colocación do parapeto de protección.

Como lembraremos, os traballos da fachada marítima inclúen (entre outras cousas) a ampliación da rotonda que comunica os peiraos de Gasset e Cadarso coa ponte do Campo (que terá catorce metros de diámetro) e a habilitación dun novo treito de pasarela peonil paralela á estrada. Trátase dunha aposta pola humanización e por unha mellor e máis segura mobilidade que tamén dá acubillo á ampliación dos carrís para facer posíbel un fluxo de tráfico máis cómodo.