A Asociación Española de Titulados Náutico Pesqueiros ( Aetinape) denuncia que as autoridades se esquecen dos traballadores do mar na vacinación contra o coronavirus. En vista do caso que fixeron as autoridades sanitarias á solicitude de que os tripulantes dos buques de altura, gran altura e transporte marítimo ocupasen un lugar de certa preferencia na sucesión de colectivos vacinados, constatamos que a ninguén importan moito as condicións de vida e sanitarias do persoal embarcado”, lamenta nun comunicado.
AETINAPE lembra que se pediu vacinar a persoas que traballan lonxe do sistema de atención sanitaria e que conviven en ambientes de escasa amplitude, “compartindo lugares de descanso e camarotes, ademais das instalacións comúns habituais”. Pero “nin a ministra de Sanidade nin ningunha das consellerías autonómicas do litoral responderon á carta de Aetinape, demostrando por pasiva que as persoas embarcadas non figuran entre as súas prioridades”.
