A Xunta analiza coa Federación de Confrarías de Pescadores da Coruña os apoios á disposición do sector marítimo-pesqueiro

19 Febreiro 2021

A conselleira do Mar, Rosa Quintana, e o delegado territorial da Xunta na Coruña, Gonzalo Trenor, reuníronse hoxe por videoconferencia con representantes da Federación Provincial de Confrarías de Pescadores da Coruña para analizar as vías de apoio e colaboración que a Administración galega ten con estas entidades de representación do sector marítimo-pesqueiro co obxectivo de sacar o máximo rendemento delas. Esta xuntanza enmárcase no seguimento que realiza o Executivo galego co sector para analizar as súas necesidades, resolver dúbidas relacionadas coa actividade e sumar sinerxías co fin de defender os intereses e a realidade do mar de Galicia ante as distintas institucións españolas e europeas e ante o actual contexto marcado pola crise da covid-19.

Un exemplo de vía de apoio da Xunta coas catro federacións de confrarías de pescadores de Galicia, entre elas a da Coruña que agrupa a 35 confrarías da provincia, son os convenios para facer fronte a gastos derivados da súa actividade e á implantación de melloras para optimizar o seu labor. Tamén a colaboración para o desenvolvemento de accións que melloren a competitividade da actividade marítimo-pesqueira, por exemplo de mellora da tecnoloxía e a administración electrónica. A isto súmanse as distintas convocatorias de axudas enmarcadas no Fondo Europeo Marítimo e de Pesca.

Outros artigos

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...