A Concellería do Medio Ambiente da Pobra do Caramiñal informou de que en 2020 recolléronse un total de 38,87 toneladas de téxtil no termo municipal grazas ós colectores que se encontran en diferentes espazos e que foron instalados por Cáritas , Humana e Texlimca. Cáritas recolle roupa e calzado en bo estado para fins sociais; mentres que Humana e Texlimca o recadan, independentemente das condicións que presenten, para, por exemplo, produci-la materia prima para outros produtos.
As entidades que efectúan a recollida son a empresa de inserción sen ánimo de lucro Arroupa(Cáritas), que se caracteriza polos seus colectores vermellos na Virxe do Monte, O Xobre, A Angustia e Caíños; a organización Humana, que destaca polos compiladores de cor verde e ten presenza na rúa Gasset, na rúa Rafael Dieste, na rúa San Lázaro e en Caíños; e a empresa Texlimca, con colectores de cor azul en puntos como a rúa Díaz de Rábago, o recheo, o paseo dos Areos e a rúa Venecia-Pintor Laxeiro. .
En total 12 colectores axudan a recadar e producir a materia prima para outros produtos. Cabe mencionar que os contedores que rexistraron un maior volume de recollida foron os de Cáritas, cun total de 16’73 toneladas, seguidos dos de Humana, con 12’03; e dos xestionados por Texlimca, con 10’11.
