A oitava edición do Día das Galegas nas Letras distinguirá á escritora Uxía Casal

26 Febreiro 2021

A escritora homenaxeada nunha imaxe de Eduardo Castro Bal

A escritora e docente Uxía Casal (Santiago, 1957), ribeirense de adopción, vai ser recoñecida este ano na oitava edición do Día das Galegas nas Letras, un destacado recoñecemento co que se queren visualizar e reivindicar as importantes contribucións das nosas escritoras. Así o fixo saber dende as redes sociais a plataforma de crítica literaria A Sega, que cualifica á autora de Saturno tamén é deus (Galaxia, 1997) como “raíña do misterio, da retranca e da palabra exacta”.

Segundo reflicte Nós Diario, o Día das Galegas nas Letras é unha iniciativa da Sega que comezou a súa andaina en 2014, cunha dedicatoria a Dorothé Schubarth. Ao longo dos anos foron distinguidas María Victoria Moreno, María Xosé Queizán, Patricia Janeiro, Marica Campo, Inma Antonio e Xela Arias, que este ano é a protagonista do Día das Letras Galegas da Real Academia Galega (RAG).

A Nosa Señora das Letras é un título creado hai xa oito anos para destacar a figura daquelas mulleres que contribuíron á cultura galega en xeral e, sobre todo, á literatura. O ano pasado a honra foi para a dramaturga Inma Antonio.

Uxía Casal

Uxía Casal Silva, nada en Santiago de Compostela o 13 de maio de 1957, é unha escritora galega de literatura xuvenil de ficción científica. Afincada como dixemos en Ribeira, é autora de libros tan destacados como Un ano de fábula en catro estacións (1994), As ás de Xenoveva (1996) ou Saturno tamén é deus (1997), un clásico xa da literatura de misterio e terror na nosa lingua, recentemente reeditado polo selo Urco de Santiago.

Outros artigos

Convocados os “Premios da Cultura Galega 2024”

A Xunta de Galicia convoca os Premios da Cultura Galega 2024, certame que recoñece o labor creativo e a súa expansión nos novos espazos actuais desde a súa primeira edición, en setembro de 2010. As oito modalidades convocadas son as de Letras, Artes Visuais, Artes...

+

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...