A plataforma Stop Deshaucios informou de que a sección 4 da Audiencia Provincial da Coruña vén de emitir unha decisión favorábel dunha familia de Porto do Son cuxa residencia perigaba por mor dunha execución hipotecaria.
En concreto, a Audiencia Provincial desestimou o recurso de apelación interposto pola entidade financeira do Banco Caixa España en contra do fallo ditado, por parte do Xulgado de 1º Instancia número 1 de Noia, no mes de outubro do 2019, polo cal se estimaba a oposición da devandita familia de Porto do Son contra a execución hipotecaria da mencionada entidade financeira.
“Agora a Audiencia volve declarar a nulidade da execución hipotecaria”, explican dende a plataforma barbanzá, “así como o sobresemento da mesma, coa imposición das costas procesuais”.
En consecuencia, a familia poderá seguir residindo, se é o seu desexo, na vivenda habitual.
Dende Stop Desafiuzamentos Barbanza destacan e agradecen “o extraordinario traballo do despacho profesional da avogada noiesa, Eva Castro Branco que levou o caso da familia humilde en quenda de oficio”.
