Vinte usuarios da residencia de Ribeira foron dados de alta polo que xa son 68 as persoas vinculadas a este brote que conseguiron superar a enfermidade.
Segundo os datos da Consellería de Política Social permanecen activos os casos de 15 internos e cinco traballadores do centro de maiores Domusvi, que poderían recibir o alta ao longo desta semana. Os primeiros positivos relacionados con este foco apareceron o pasado 4 de xaneiro, poucos días despois de recibir a primeira dose da vacina do covid. O número de infectados pola pandemia chegou o centenar de afectados, dos que unha vintena eran empregados e o resto maiores. Dos afectados unha ducia de maiores non superaron a enfermidade e faleceron a causa do virus.
