Venres con frio e nevaradas por riba dos 300 metros no norte

Non se agardan cambios significativos para o venres, con ventos do norte que seguirán traendo aire moi frío. Así, os ceos estarán máis despexados na metade sur e con máis nubes canto máis ao norte. No terzo norte rexistraranse chuvascos illados e ocasionais, máis probables á noite, de neve en cotas arredor dos 300 -400 metros. As temperaturas tampouco cambian, polo que seguiremos con xeadas na madrugada e máximas frías. O vento soprará frouxo de compoñente norte, aumentando de intensidade pola noite. Sábado e domingo seguiremos con temperaturas baixas e nubes e claros.

Prognóstico venres 8 de xaneiro 2021

No mar teremos este venres vento do nordés, forza 3 a 4 á mañá e á noite e 3 a 5 á tarde. Visibilidade boa e mar de fondo do noroeste, con ondas de 0.5 a 1 metros.