Novos apoios para a familia de Rianxiño ameazada de desaloxo

15 Xaneiro 2021

Stop Deshaucios Barbanza vén de informar da difícil situación pola que está pasando unha familia de Rianxo, que foi denunciada polo grupo inmobiliario Aliseda por “ocupación ilegal” e que, segundo explica a plataforma anti-desaloxos da nosa comarca, é unha familia vulnerábel que leva vivindo na súa vivenda de Rianxiño dende o ano 1978.

A plataforma, que critica duramente os argumentos usados polo grupo inmobiliario, xa que “non son ocupas nin ilegais”, lembra tamén que os denunciados hai tempo que viven mergullados en negociacións para evitar o desaloxo, entre a plataforma, a familia e o Banco Popular, logo Banco Santander e agora con Aliseda.

Por certo que este luns terá lugar no Xulgado de Padrón nº 1 a vista oral pola denuncia imposta por este grupo.

A plataforma tamén fai saber que serán defendidos en sede xudicial, de maneira altruísta e gratuitamente, polo recoñecido letrado vigués Tomás Santodomingo Hargindey, licenciado en Dereito pola Universidade Complutense de Madrid e especialista en dereito Concursal, Bancario e Penal Económico así como pola procuradora santiaguesa Marta Delgado Fontáns, vicedecana do Colexio de Procuradores de Santiago. Stop Deshaucios agradece encarecidamente a súa colaboración e dedicación e salienta tamén a implicación e o apoio á familia do propio alcalde de Rianxo, Adolfo Muiños, que está disposto mesmo a acudir ao Xulgado de Padrón, este luns 18, para defender un acordo amigábel entre as partes e que leve a que a familia non teña que abandonar a vivenda na que residen durante tantas décadas e da que “tan inxustamente se lles pretende desposuír”, engade José Manuel Pena, portavoz de Stop Desafiuzamentos Barbanza.

Outros artigos

A comunidade da Creba recibe formación en seguridade viaria

A Asociación Saúde Mental A Creba, entidade inclusiva e integradora que traballa nas comarcas de Barbanza e Muros-Noia, vén de realizar unha nova actividade encaixada no Programa de Educación e Saúde Comunitaria na que participaron os centros da Creba. Desta volta, a...

+

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...

“A forza da gratitude”. Luís Celeiro

“A forza da gratitude”. Luís Celeiro

Daquela, hai algo máis de cincuenta anos, algúns dos aldeáns e aldeás das aldeas de Lugochegaban ao Instituto para abrir as portas do futuro, pechadas a cal e canto para os fillos daMariña, para os das montañas da Fonsagrada, dos Ancares, do Courel e da Lóuzara...