As altas presións localizadas ao norte dos Azores seguirán achegando aire frío, con vento do nordés. Deste xeito amenceremos con néboas no interior, que deixarán paso a ceos despexados na metade sur e parcialmente cubertos na metade norte, con chuvascos no terzo norte. Os chuvascos serán de neve en cotas arredor dos 400-500 metros. As temperaturas non terán cambios significativos, polo que continuarán as xeadas no interior e a sensación de frío durante o día. Os ventos soprarán frouxos do nordés, con intervalos de moderado no litoral atlántico.

No mar vento do nordés, forza 2 a 3 á mañá e á noite e 1 a 3 á tarde. Mar ovellado. Visibilidade boa. Mar de fondo do norte, con ondas de 0.5 a 1 metros.