Continúa a vacinación nas residencias da área Santiago-Barbanza. Hoxe na comarca tocoulle o Fogar Artes en Ribeira.
Soben os casos en Outes, con tres xornadas de subida con 34 enfermos en 14 días, o que fai que a incidencia acumulada chegue ós 541 e é a máis alta de toda a comarca. En Noia teñen un positivo máis e xa son 52, e en Ribeira pásase de 100 a 101 e continúa sendo o municipio con máis enfermos da covid en dúas semanas.
Boiro repite os mesmos datos que onte 94, unha tendencia que tamén se produce na Pobra, que segue con 32 positivos en 14 días. O resto de concellos rebaixan as súas cifras, e mentres Muros rebaixa tres e queda en 28, Rianxo e Lousame restan dous e teñen 50 e 13.
A situación na área sanitaria de Santiago -Barbanza, amosa un crecemento e chega oss 1.336, nove mais con 80 enfermos hospitalizados no Clínico e no HM A Rosaleda, a cifra máis alta desta segunda onda,. Trece deles están na UCI. Nas últimas horas descubríronse 37 novos positivos e 51 persoas recibiron o alta, polo que a cifra de curados desde marzo é de 9.102.
