O Concello de Lousame viuse obrigado, por mor da pandemia, a anular a tradicional cabalgata de Reis pola parroquias. No seu lugar, a Casa da Cultura de Lousame acollerá mañá martes 5 de xaneiro unha recepción cos Reis Magos, en horario de 10:00 a 14:00 horas e de 16:00 a 20:00 horas.
Por un lado, o Concello evitará aglomeracións mediante un sistema de reserva da entrada gratuíta para a recepción, ben a través de www.bandoticket.com ou a través do teléfono da Casa da Cultura. Así, cada veciño e veciña que desexe asistir poderá reservar a hora que más lle conveña.
Deste xeito, o Concello de Lousame porá en marcha un protocolo que permitirá as visitas en grupos moi reducidos, de acordo ao aforo limitado que xa dispón o auditorio da Casa da Cultura e con paradas de desinfección do lugar. Tódolos asistentes accederán á cita mediante o código QR (reserva por internet), ou facilitando nomes e apelidos (reserva por teléfono)
