O Concello de Outes distribuirá plantas de castiñeiro para as franxas secundarias

O Concello de Outes vai apostar por fórmulas sustentábeis para loitar de maneira máis eficaz contra os lumes forestais. Deste compromiso despréndese o Plan de recuperación de árbores autóctonas, que pon o foco nas franxas secundarias e no seu potencial para pór freo aos incendios que asolan a nosa comarca todos os anos. Ao abeiro deste plan, o Concello repartirá gratuitamente as plantas de castiñeiro entre as propietarias e propietarios que o soliciten (un máximo de 20 por solicitante).

As persoas interesadas poden realizar a súa petición no departamento de Urbanismo do Concello entre o 18 e o 29 de xaneiro, chamando previamente ao teléfono 637 063 677.