O CHUS empeza a aprazar operacións non urxentes pola presión hospitalaria da Covid-19

Os hospitais galegos comezaron esta semana a suspender algunhas operacións non urxentes pola presión hospitalaria derivada da covid-19, co obxectivo de deixar camas libres para posibles ingresos.

Fontes sanitarias confirmaron que xa se suspenderon algunhas intervencións nos hospitais de Santiago, A Coruña e Ferrol e que, dependendo que como evolucionen as cifras, é posible que nas próximas semanas haxa que aprazar novas operacións. Son intervencións non urxentes polo que están totalmente garantidas as operacións de urxencias e do ámbito oncolóxico.

Segundo Sanidade nas áreas de Santiago e A Coruña os quirófanos reprogramados serán usados para facer procedementos de cirurxía maior ambulatoria e o resto da actividade cirúrxica continúa con normalidade.