O CD Boiro incorpora ao pobrense Diego Fernández

Diego Fernández, Imaxe redes sociais CD Boiro

Diego Fernández Ventoso convértese en novo xogador do CD Boiro para a vindeira temporada que comezará o 31 de xaneiro. O xogador pobrense volve ao club boirense logo de pasar por equipos da Terceira División como o Céltiga, Silva e Bergantiños.

O mediocampista barbanzán deixara a entidade carballesa por motivos persoais, pero decidiu volver aos terreos de xogo da man dun CD Boiro que gaña coa súa incorporación un futbolista que pode actuar como mediocentro, mediapunta e incluso central. Fernández foi un dos mellores xogadores nas anteriores campañas do Bergantiños na Terceira División, co que chegou a disputar a promoción de ascenso á Segunda División “B”

Deste xeito o equipo dirixido por Cristian Pérez suma a fichaxe de Diego Fernández á de Pablo Vidal e Carlos Gómez. A pesares do inminente comezo da competición, as baixas sufridas polo Boiro poden provocar máis movementos nun plantel que vai collendo forma.