Noia quere reducir o gasto municipal e mellorar a eficiencia enerxética

O Concello de Noia comeza a substitución das luces en todo o casco urbano da cidade, co fin de reducir o gasto municipal e mellorar a eficiencia enerxética. Así, a pretensión é mudar as lámpadas de vapor de sodio por luces LED. A actuación está financiada polo IDAE, ademais do Concello, e conta cun investimento total de 400.000 euros.

Neste momento xa hai algunhas zonas da cidade que dispoñen de luces LED, como a avenida da República Arxentina ou o barrio de San Lázaro. A renovación do alumeado súmase a outras actuacións que está a realizar o Concello para incrementar a eficiencia enerxética. Por exemplo, a colocación de paneis solares e caldeiras de biomasa nos edificios públicos. Todo isto, tamén mellorará a estética da localidade.