Sanidade informa a última hora da tarde deste xoves da morte de 5 persoas que foran diagnosticadas por coronavirus. Trátase dunha muller de 84 anos, no Chuf, muller de 88 anos, no Chus, un home de 86 anos, no Chuo, un home de 61 anos no Chuf. En centros residenciais faleceu un home de 79 anos, na Residencia da Pastoriza (Lugo). Todos eles tiñan patoloxías previas.
A Dirección Xeral de Saúde Pública da Consellería de Sanidade informa que na última actualización, o número de casos activos de coronavirus en Galicia é de 10.215 deles 2.469 son da área da Coruña, 945 da de Lugo, 1.348 da de Ourense, 867 da de Pontevedra, 1.893 da área de Vigo, 1.983 da de Santiago, e 710 da de Ferrol.
Do total de pacientes positivos, 82 están en UCI, 463 en unidades de hospitalización e 9.670 no domicilio. Polo de agora, en Galicia hai un total de 60.811 persoas curadas, rexistrándose 1.485 falecementos.
O número de PCR realizadas é de 1.211.826. O número de doses de vacina contra a covid-19 administradas é de 37.745.
