O Concello de Rianxo vese obrigado, por mor da evolución da pandemia, a suspender desde hoxe, 26 de xaneiro, todas as actividades dos Centros Socioculturais en parroquia, do Auditorio, da Biblioteca e demais instalacións culturais.
Deste xeito, a presentación do libro Aproximacións a Manoel Antonio de Xosé Luís Axeitos e o concerto-exposición Arredor de Nós de 2naFronteira, programados para o venres e sábado respectivamente, quedan suspendidas ata novo aviso.
Dende o Concello solicitan a colaboración da cidadanía para que a atención ao público nesas dependencias se limite a casos de extrema necesidade, chamando con anterioridade para concertar a presenza, e realización preferentes dos trámites a través da sede electrónica municipal https://sede.concelloderianxo.gal/ ou vía telefónica no 981100688.
