O Concello de Boiro consensuou coas demais forzas políticas o borrador dos
orzamentos para o exercicio 2021. As propostas formuladas polo goberno local foron enviadas ó resto de grupos políticos que apoiaron a investidura para facer as súas aportacións de cara ó vindeiro curso.
No ano 2020, as dificultades económicas derivaron na necesidade de aprobar un Plan Económico Financeiro, o que imposibilitou a elaboración duns presupostos adecuados á necesidade actuais do municipio. Esta situación levou a tomar a decisión de prorrogar os presupostos do 2019 para o exercicio 2020.
Neste 2021, o Goberno local entregou ás demais forzas políticas un borrados dos orzamentos coa intención de que fagan as súas aportacións para a posta en común dos mesmos. A proposto do Goberno pasa por unha visión reservada e contida da situación económica por mor da COVID-19, que indica unha merma progresiva de gastos e ingresos. “A intención é minimizar os posibles erros no futuro, asó como uns resultados o máis reais posibles”, comentou o concelleiro delegado de Facenda, Luis Ruiz. Espérase que nos vindeiros meses os orzamentos poidan ser aprobados definitivamente.
